Karjalan itikat - kansainvälini kesäleiri Aunuksen Karjalassa

Karjalan itikat - kansainvälini kesäleiri pietäh Aunuksen Karjalassa 26.-30. elokuuta vuotena 2002. Leiripaikkana on Karjalan tasavallan etelä-lännessä olija ikivanha karjalaini kylä nimeltäh Suuret Mäit, missä ammusista ajoista elettih livvinkarjalaiset. Kylässä nykyjähki vielä suau kuulla puhasta karjalan kieltä, Vitelen murrehta. Suuren Mäin vuarat ei olla Kaukasijan vuoriston näkömie, vaikka näillä perukoilla mäkien suruus on paikallisen rahvahan mielestä tosi ylpeys. Eihän tyhjyä sanota iče kyläläiset: Suuret Mäit suuret rahvasgi

Vuotamma teitä rohkeita leiriläisie lujine voimineh ta omine makuupussineh, sentäh netälin päivät ruvetah elämäh kämpissä. Ohjelmassa tulou Punaisen ristin-opassusta (esim. miten pärjätä meččätiloissa), suomen, eestin ta karjalan kielen tunteja, kieliainehiston keruu, kaikenmoisie kisoja, kylyn valmistamini, ruuvvan laittamini ekstremalitilantehissa ta muuta. Osanottamini on maksutoin. Jäsenmaksu otetah vain nimeksi 300 ruplua piänkappalehesta.

26.08., ensiarkena, vierahie Suomesta ta Eestistä, kumpaset tullah junalla, otetah vastah ta kaimatah bussih, mi lähtöy Petroskoilta Suureh Mäkeh klo 09.00 huomeneksella rautatieaseman aukiolta.

30.08, piätinččänä, bussi suattau kaikkie Petroskoih niin jotta vierahat kerittäis Piiterin junah, mi lähtöy klo 23.20. Toivotamma teilä hyvyä kesänjatkuo ta innokkahie leirinvarustamishommie!

23 kesäkuuta, Petroskoi, Nuori Karjalan konttori

lisätietitoja:

Tatjana Timofejeva Nuori Karjala-järjestön puheenjohtaja (814-2-76-09-67; e-mail: [email protected])
Natalja Antonova, 78-43-55 e-mail: )

Olga Karlova (e-mail: )
Tatjana Titova (76-43-56)