|
SUOMA-UGRALAŠ áLBMOGIID Doala Kudo+Kodu
|
По-русски |
sámás |
|
|
|
Suoma-ugralaš álbmogiid nuoraid lihttu MAFUN, Suoma fuolkeálbmotservviid lihttu Susu ry. sihke suomagiela ja dan fuolkegielaid stuđeanttaid ávnnassearvi Siula ry. ordnejit ovttas Helssega universiteahta Suoma-ugralaš lágádusain riikkaidgaskasaš suoma-ugralaš stuđeanttaid konfereanssa
IFUSCO XVIIIHelssegis čakčamánu 11.—15. beaivve 2002
Konferensii sáhttá oassálastit nu ahte doallá ovdasága, mii bistá guhkimustá 15 minuhta. Dan fáddá galgá laktásit uralalaš álbmogiidda, gielaide dahje kultuvrraide. Konfereansa lea máŋggadieđalaš: mii sávvat, ahte ovdaságat giehtadallet gielladiehtaga, folkloristihka, girjjálašvuođadutkama, dáiddadutkama, álbmotdiehtaga dahjege etnologiija, historjjá, arkeologiija, politihka, vuoigatvuođadiehtaga, sosiologiija, dieđihanoahpa, birasdiehtaga dahje muhtun eará suorggi.
Konfereanssa virggálaš gielat leat buot uralalaš gielat. Ovdasága sáhttá doallat man beare uralalaš gillii. Juos oasseváldi háliida, maiddái muhtun eará giella lea vejolaš.
Oasseváldit gálget almmuhit iežaset konferensii maŋimustá 30.4. ja sáddet iežaset ovdaságaid čoahkkáigeasuid maŋimustá 31.5. Čoahkkáigeasu galgá čállit muhtun uralalaš gillii. Čoahkkáigeasu málle lea vuollelabbos.
Konfereanssa oassálastinhaddi lea 50 euro Eurohpa Uniovnna, Norgga, Šveicca, Jáhpana, Amerihká ja Kanada riikkavuložiidda, 25 euro eará riikkaid riikkavuložiidda. Juos gii nu sávvá, lea vejolaš ordnet ijastallan hoteallas 75 euro lassihattiin. Dan galgá máinnašit sierra dalle go almmuha iežas. Ruošša riikkavuložat, geat stuđerejit Ruoššas, ožžot váldit oasi ja ijastallat nuvttá.
Almmuheamit, čoahkkáigeasut ja lassidieđut:
Bures boahtin Helssegii! DIEĐUT, MAID DÁRBBAŠIT DALLE GO ALMMUHIT IEŽAS
Goargu ja ovdanamat Persondovddaldat (riegádanáigi) Riikkavulošvuohta Pássa nummir (juos dárbbašit visuma) Universiteahtta ja lágádus Čujuhus E-boastačujuhus Faksa
Eatnigiella Eará gielat, maid máhttá Erenoamáš diehtta Goas boahtá Helssegii (juos ii 11.9.) Várren hoteallalanja 75 euro hattiin (ii Ruošša riikkavuložiidda)
ČOAHKKÁIGEASU MÁLLE
Ovdasága bajilčála Ovdasága giella Goargu ja ovdanamat Universiteahtta dahje lágádus
Čoahkkáigeassu lea eanemustá 2500 bustávva guhkki. Sáddejehket čoahkkáigeasu millosit elektronálaš hámis RTF-vuorkán. Juos dat ii leat vejolaš, sáddejehket čoahkkáigeasu, nu ahte dat lea prentejuvvon dahje čállon hui čielgasit gieđain báhpárii. Allet bija čoahkkáigessui govaid, tabeallaid ded.
Čoahkkáigeassu galgá ollet Helssegii maŋimustá miessemánu 31. beaivve 2002. Dan addet olggos konfereansapublikašuvnnas.
Boastačujuhus: IFUSCO Suoma-ugralaš lágádus Franzeninkatu 13 00530 HELSSET E-boastačujuhus:
|
||||
